Xabi Alonso përballet me sfida, Real Madrid bie 0-2 ndaj Celta Vigo

Të dielën, Real Madrid pësoi humbjen e dytë sezonale në kampionat, ndërsa përballë kishte ekipin e Celta Vigo.

Dueli u mbyll me shifrat 0-2, megjithëse madrilenët dominuan përgjatë gjithë takimit, të cilin e mbyllën me dy lojtarë më pak se kundërshtari.

Kjo për faktin se Fran Garcia dhe Carreras u ndëshkuan me kartonin e kuq, po ashtu edhe sulmuesi brazilian Endrick, i cili ndodhej në stol.

Sa i përket lojës, heroi i Celta Vigo ishte Ëilliot Sëedberg, i cili realizoi një dopietë me dy gola mjaft të bukur në fraksionin e dytë të ndeshjes.

I pari pas një krosimi nga e majta dhe i dyti falë një pakujdesie në mbrojtjen e vendësve ndërsa me këtë rezultat Celta Vigo ngjitet në vendin e dhjetë në klasifikim.

Një sfidë që konfirmoi, edhe një herë tjetër, problemet që skuadra e Xabi Alonso ka, të cilat me gjasa nuk do të tolerohen shumë nga presidenti Perez.

Kampionati spanjoll udhëhiqet nga Barcelona, që numëron 40 pikë, më pas vijnë Real Madrid, Villareal dhe Atletico e Madridit.

Ndeshja e radhës për galaktikët është ajo ndaj Alaves, por më herët zbresin në fushë në Champions League përballë Man Cityt.