Xhaçka zbardh takimin me Dendias në Bruksel: Beleri nuk është çështje politike

Ministrja e Punëve të Jashtme, Olta Xhaçka ka reaguar pas takimit në Bruksel me homologun grek Nikos Dendias ku u diskutua edhe lidhur me arrestimin e Fredi Belerit.

Përmes një postimi në faqen e saj zyrtare në Facebook, Xhaçka shprehet se gjatë takimit me Dendias kishte theksuar qartë se “arrestimi i Belerit është një çështje gjyqësore që nuk duhet të ndikojë në faqen e re që kemi hapur në marrëdhëniet tona dypalëshe”.

“Kjo nuk është as çështje e të Drejtave të Njeriut, as politike, e jo më një çështje dypalëshe. Z. Beleri gëzon të njëjtat të drejta si çdo qytetar tjetër shqiptar dhe asnjë qytetar shqiptar nuk është mbi ligjin. Blerja e votës është një shkelje e rëndë e ligjit tonë dhe çështja e tij tashmë është në gjykatë. E vetmja gjë që ne të gjithë mund të bëjmë është të presim me durim që procesi të ecë në rrjedhën e tij dhe të mos paragjykojmë apo hamendësojmë atë”, shprehet Xhaçka.

LEXONI GJITHASHTU:

• “S’është takuar kurrë me të infiltruarin”, avokati i Belerit: Do ankimojmë vendimin
• GJKKO jep masën e sigurisë për Fredi Belerin