Xhaka u nominua për Topin e Artë, babai i futbollistit bën postimin emocionues

Mbrëmjen e të mërkurës u publikua dhe lista me 30 të nominuarit për Topin e Artë 2024.

Ajo që bie në sy është përfshirja për herë të parë në këtë list e një futbollisti me origjinë shqiptare, Granit Xhaka.

Në lidhje me lajmin ka reaguar dhe Ragip Xhaka, babai i futbollistit, i cili ka bërë një postim emocionues në rrjete sociale.

Ai shkruan s epuna e palodhshme e të birit ka bërë që ëndrrat e tij të realizohen duke e bërë të gjithë familjen krenare.

Postimi i plotë i babait të futbollistit:

Sot është një ditë e veçantë dhe e mbushur me krenari të madhe për mua dhe familjen tonë. Djali im, Graniti, është nominuar për çmimin prestigjioz Ballon d’Or. Ai është i pari shqiptar dhe në të njëjtën kohë lojtari i vetëm zviceran që ka arritur këtë nivel në botën e futbollit, dhe për këtë jemi jashtëzakonisht të lumtur dhe të emocionuar.

Puna e palodhur, përkushtimi dhe sakrificat e tij kanë bërë që ëndrrat të realizohen dhe emri i shqiptarëve të shkruhet në histori. Ju falënderoj të gjithëve për mbështetjen dhe dashurinë që i keni dhënë Granitit ndër vite.

Urime Granit, krenaria jonë!

LEXONI GJITHASHTU:

• Topi i Artë 2024| Zbulohet lista e plotë e të nominuarve, mes tyre edhe një shqiptar
• Tragjedi në botën e futbollit! Pësoi arrest kardiak në fushë, ndërron jetë mbrojtësi