Xhemal Loka flet në Gjykatë: Na kërcënonte familja e Bedries, e fala për Tik Tok-un

Në gjykatën e Durrësit, po mbahet seanca për dhënien e masës së sigurisë për Xhemal Lokën, bashkëshortin i cili dyshohet se shtyu drejt vrasjes gruan e tij, Bedrie Loka.

Në gjykatë, Loka, mohoi akuzat dhe tha se e kishte falur gruan për mosmarrëveshjet që kishin lindur nga publikimet në rrjetin social Tik Tok.

Ai tha në sallën e gjyqit se ka pasur kërcënime nga ana e familjes së Bedries dhe i ka kërkuar asaj të mos dalë nga banesa e pa shoqëruar me një nga fëmijët.

“Nuk jam dakord me akuzën. Gruan e kam falur për Tik Tok-un. Na kërcënonte familja e Bedries, i kam thënë të mos dalë nga shtëpia pa një nga fëmijët”, tha ai.

Sipas hetimeve dyshohet se Xhemal Loka kur ishte kthyer nga Greqia, konkretisht më datë 27 dhjetor, e kishte kërcënuar për ta vrarë bashkëshorten me mjet prerës thikë në prezencë të njërit prej fëmijëve.

Por për këtë rast, 41-vjeçarja nuk kishte bërë kallëzim në Polici.

Specialistët për Hetimin e Krimeve kanë sekuestruar celularët e bashkëshortëve Loka të cilët janë dërguar për ekspertimin me qëllim gjetjen e provave për dokumentimin e rrethanave dhe shkakut të ngjarjes.

Gjithashtu gjatë kontrollit të ushtruar në territorin e banesës së 45-vjeçarit uniformat blu gjetën dhe sekuestruan 1 armë zjarri automatik, një krehër dhe një sasi municioni luftarak.

Një ngjarje e tillë mund të ishte parandaluar, pasi në dhjetor të viti 2022, 41-vjeçarja kishte bërë një kallëzim se në rrjetet sociale ishte hapur një adres false me emrin e saj, por autoritetet heshtën dhe sot përgjegjësia bie mbi ta.

Edhe pse ka kaluar më shumë se një vit nga kallëzimi asnjë person nuk u vu para përgjegjësisë ligjore nga policia, por fatkeqësisht kjo situate shkaktoi viktimën e radhës.

LEXONI GJITHASHTU:

• “Mos dil vetëm”, çfarë diskutoi Xhemali me Bedrien një ditë para vetëvrasjes
• Xhemal Loka flet në Gjykatë: Na kërcënonte familja e Bedries, e fala për Tik Tok-un