Mjeti luksoz i “ndarë më dysh” te Tajvani, pamje nga aksidenti i rëndë në Tiranë

Një aksident i rëndë ka ndodhur paraditen e kësaj të hëne në zemër të Tiranës. Siç shihet dhe nga pamjet e siguruara nga Euronews Albania, në aksident janë përfshirë urbani i linjës së Unazës dhe 10 automjete të tjera.

Një foristradë luksoze, shihet teksa është përplasur me një pemë në Parkun Rinia.

Gazetari i Euronews Albania, Eni Ferhati, bëri me dije se në autobus në momentin e aksidentit ndodheshin rreth 50 pasagjerë. Si pasojë e aksidentit kanë mbetur të lënduar 3 qyetarë, të cilët janë dërguar me urgjencë në spitalin e Traumës.

Pritet të bëhet kqyrja e kamerave të sigurisë për të kuptuar se kush ka qenë fajtori i këtij aksidenti të shumfishtë që ka rrezikuar jetën e qytetarëve.

Grupi hetimor po kryen testin e alkoolit dhe drogës për të gjithë drejtuesit e mjeteve të përfshirë në aksident.

LEXONI GJITHASHTU: 

• Autobusi i “Unazës” përplaset me disa mjete, raportohet për disa të lënduar
• Aksidenti i rëndë i urbanit në Tiranë, policia jep detaje mbi të plagosurit
• Luftë të brendshme mes Ahmetajt, Ramës e Veliajt? Përgjigjet Taulant Balla