Xhudistja nga Kosova shpallet kampione Evrope

Distria Krasniqi është absolutisht një ndër xhudistet më të mira në botë e këtë e ka konfirmuar nga dueli në duel, por dhe me arritjet e shumta në karrierën e saj. E fundit është ajo në Evropianin e mbajtur në Podogoricë, ku sportistja nga Kosova u shpall kampione, duke rrëmbyer në fund medaljen e arit. Një dominim nga fillimi deri në fund, duke bindur ndaj çdo kundërshtari. 29-vjecarja u përball në finalen e madhe me italianen Odette Giuffrida, me të cilën është ndeshur edhe më herët.

Krasniqi triumfoi me ippon, duke siguruar vendin e parë që përkthehet në medalje ari. Edhe në fazat e mëparshme të garës, Krasniqi ia doli me sukses, duke mos e vendosur për asnjë moment në dyshim fitoren. Në cerekfinale eliminoi holandezen Naomi van Krevel, ndërsa në përballjet e para nuk kishte aspak konkurrencë.

Kujtojmë që kjo është hera e 3të që Distria Krasniqi shpallet kampione Evrope, e ngre në majë xhudon kosovare. Më herët ajo ia ka dalë të fitojë të tjerë medalje, madje dhe në lojërat e fundit olimpike në Paris, ku u vlerësua me argjend.