Xi Jinping merr mandatin e tretë si president i Kinës

Xi Jinping siguroi një mandat të tretë si president i Kinës të premten gjatë një sesioni parlamentar në të cilin ai forcoi kontrollin e tij mbi ekonominë e dytë më të madhe në botë.

Rreth 3,000 anëtarë të parlamentit të Kinës, Kongresi Kombëtar Popullor (NPC), votuan unanimisht në Sallën e Madhe të Popullit për 69-vjeçarin Xi, shkruan Reuters.

Xi e ka çuar Kinën në një rrugë më autoritare që nga marrja e kontrollit një dekadë më parë, dhe ai e zgjat mandatin e tij për një mandat tjetër pesëvjeçar në mes të marrëdhënieve gjithnjë e më kundërshtare me SHBA-në dhe aleatët e saj mbi Tajvanin, mbështetjen e Pekinit për Rusinë, tregtinë dhe të drejtat e njeriut.

Brenda vendit, Kina përballet me një rikuperim sfidues nga tre vitet e politikës zero të Xi-së për COVID-19, besimin e brishtë midis konsumatorëve dhe bizneseve dhe kërkesën e dobët për eksportet e Kinës.

Ekonomia u rrit vetëm 3% vitin e kaluar, ndër performancat e saj më të këqija në dekada. Gjatë seancës së parlamentit, qeveria vendosi një objektiv modest rritjeje për këtë vit prej rreth 5%.

LEXONI GJITHASHTU

• Sulmi me armë në sallën e Dëshmitarëve të Jehovait, gjendet i vdekur autori
• Bjellorusia miraton dënimin me vdekje për të dënuarit për tradhti të lartë