Yjet e Hollywood-it protestojnë në Golden Globes pas vrasjes së Renee Good

Disa prej yjeve më të mëdhenj të Hollywood-it përdorën atmosferën e 83-të Ceremonisë së Golden Globe Awards për të protestuar kundër Zyrës së Imigracionit dhe Doganave të SHBA-s (ICE), duke mbajtur shenja me mbishkrimet “BE GOOD” dhe “ICE OUT” në kujtim të Renee Good, e cila u vra nga një agjent i ICE në Minneapolis më 7 janar.

Aktorë si Mark Ruffalo, Wanda Sykes, Natasha Lyonne, Jean Smart dhe Ariana Grande u panë të veshin këto karfica në tapetin e kuq dhe në sallë, duke sjellë mesazhe protesta në një mbrëmje shpeshherë të fokusuar vetëm te arti dhe spektakli.

Kampanja #BeGood u organizua për të nderuar Good, 37-vjeçaren që u qëllua për vdekje nga një agjent ICE gjatë një operacioni të zgjatur të forcave federale në Minneapolis, një ngjarje që ka nxitur protesta në të gjithë SHBA-në dhe debate intensive mbi taktikat e zbatimit të ligjit dhe përgjegjësinë e agjencive federale.

Organizatorët e fushatës thanë se përdorimi i platformës së Golden Globes synon të sjellë në fokus publik emrin e Renee Good dhe të tjerëve që kanë humbur jetën në incidente me agjentë të ICE-s, ndërsa protesta dhe thirrjet për përgjegjësi ligjore vazhdojnë në mbarë vendin.

Në sfond, hetimi mbi vrasjen e Good është duke u zhvilluar, ndërsa disa anëtarë të Kongresit kanë premtuar ndërhyrje të vendosur lidhur me përdorimin e forcës nga agjentët federalë.