Ylli i ‘tulipanëve’ transferohet tek Liverpool, nënshkruan për 6 vite

Përfundimi i një kupe bote apo kampionati evropian sjell një merkato të nxehtë transferimesh në futboll.

Paraqitjet shumë të mira krijojnë mundësi të shumta, madje në ekipe elitare, diçka e tillë i ndodhi dhe sulmuesit holandez Gakpo. Performanca me kombëtaren e tulipanëve u vlerësua maksimalisht, ndërkohë ishte lojtari kyç i Van Gal, duke shënuar dhe 3 gola përgjatë Katar 2022.

Sipas asaj çka raportojnë mediat ndërkombëtare 23-vjeçari do të jetë pjesë e Liverpool. Kodi Gakpo do të nënshkruajë një kontratë deri në vitin 2028 me të kuqtë, të cilëve u nevojitet një sulmues krahu, kjo pas dëmtimit të Luis Diaz.

Vlera e futbollistit është 37 mln euro, shifër të cilën e justifikon me performancën e jashtëzakonshme që ka pasur në kampionatin holandez me PSV.

Në 14 ndeshje, sulmuesi ka arritur të gjejë 9 herë rrjetën dhe asistojë për shokët e skuadrës në 12 raste. Aventura në Angli pritet të jetë edhe më e vështirë e sfiduese duke parë nivelin e skuadrave që luajnë aty.

LEXONI GJITHASHTU

• Cristiano Ronaldo afër transferimit të bujshëm, gati testet mjekësore
• “Iu vendos ndalim politik”- Erdogan flet për dështimin e Ronaldos në botëror
• Ofertë marramendëse për Ronaldon, klubi saudit i ofron kontratë deri në 2030-n