Kim dhe Soreca përshëndesin vendimin e Presidentit për Kushtetuesen

Ambasadorja amerikane në Tiranë, Yuri Kim ka përshëndetur dekretin e Presidentit, Ilir Meta për emërimin e anëtarit të 6-të në Gjykatën Kushtetuese, duke e cilësuar një hap të madh përpara për Shqipërinë duke shënuar plotësimin e një prej dy kushteve kryesore për hapjen e negociatave për integrimin në BE.

“Lajm i madh: Presidenti Ilir Meta ka dekretuar Përparim Kalo si anëtarin e 6-të të Gjykatës Kushtetuese. Pasi Kalo të betohet nëse, do të plotësohet kuorumi. Shqipëria do të mbyllë 2020 me Gjykatë Kushtetuese funksionale duke i dhënë fund 3 vite pa të. Presidenti, KED dhe Parlamenti meritojnë merita të mëdha”, shprehet znj. Kim.

1/2 BIG NEWS: Pres @ilirmetazyrtar had decreed Përparim Kalo as 6th judge of Constitutional Court. Once Kalo takes oath tomorrow, there will be quorum. ?? will conclude 2020 with a functional CC – ending almost 3 years without. Pres, JAC & Parliament deserve huge credit! https://t.co/KaFMCpkDXu

— Ambassador Yuri Kim (@USAmbAlbania) December 23, 2020

“Ky ishte si rezultat i masave urgjente të liderëve në përputhje me opinionin e Komisionit të Venecias. Me Gjykatë Kushtetuese funksionale, Shqipëria plotëson një prej dy kushteve për hapjen e negociatave për anëtarësimin në BE. Ky është një hap i madh përpara. Urime popullit shqiptar. Le të vazhdojmë të ecim përpara”, përfundon ambasadorja amerikane.

Kreu i delegacionit të Bashkimit Evropian në Tiranë, Luigi Soreca duke përshëndetur vendimin e Presidentit Meta ka vlerësuar si arritje të Shqipërisë drejt anëtarësimit në BE vënien në funksion të Gjykatës Kushtetuese.

“Sot Presidenti Ilir Meta ka dekretuar z. Përparim Kalo si anëtarin e 6-të të Gjykatës Kushtetuese. Z. Kalo do të betohet nesër para Presidentit. Ky vendim shumë i rëndësishëm siguron tani funksionalitetin e plotë të gjykatës. Ne përgëzojmë Presidentin, Parlamentin, KED dhe institucionet e tjera për arritjen e një rezultati kaq domethënës, i cili është një arritje e konsiderueshme për Shqipërinë dhe qytetarët e saj dhe për reformën në drejtësi. Ai gjithashtu përfaqëson një hap kryesor për të kompletuar listën e kushteve të nevojshme për të nisur konferencën e parë ndërqeveritare për bisedimet e pranimit midis BE dhe Shqipërisë”, shprehet ambasadori Soreca.

Today President @ilirmetazyrtar?? has decreed Mr. @perparim_kalo as the 6th Member of the Constitutional Court. Mr. Kalo will be sworn in tomorrow by the President. This very important decision ensures now the full functionality of the Court.
We congratulate the President,..1/3

— Luigi Soreca?? (@LSorecaEU) December 23, 2020

Për vendimin e kreut të shtetit ka reaguar dhe ambasadori gjerman në Tiranë, Peter Zingraf, i cili thotë se funksionaliteti i Kushtetuese ruan balancat e institucioneve dhe ndarjen e pushteteve.

“Zgjedhja e sotme e z. Përparim Kalo si gjyqtar në Gjykatën Kushtetuese është një gur kilometrazhi në rrugën drejt konsolidimit të shtetit ligjor në Shqipëri. Falënderimi im shkon për të gjitha institucionet, që ditët e fundit bashkëpunuan në mënyrë konstruktive në interes të kësaj çështjeje. Një gjykatë kushtetuese funksionale është kolonë qendrore në ekuilibrin institucional dhe ndarjen e pushteteve në Shqipëri. Gëzohem që në këtë mënyrë është përmbushur një kusht qendror prej konkluzioneve të Këshillit të Bashkimit Evropian në mars 2020 për zhvillimin e konferencës së parë të anëtarësimit”, shkruan ambasadori.