‘Yuri Kim po korr atë që mbolli’, Koka: Vendosi raport preferencial me qeverinë

“Unë mendoj që zonja Kim po korr atë që ka mbjellur gjatë këtyre 3 viteve, duke vendosur një raport preferencial me qeverinë, me mazhorancën aktuale dhe duke goditur opozitën”.

Kështu u shpreh gazetari Bledian Koka në një intervistë për Euronews Albania, pyetur në lidhje me marrëdhëniet mes kryeministrit Edi Rama dhe ambasadores amerikane, Yuri Kim.

Sipas tij, njoftimi i Ministrisë së Jashtme, ku thuhej se kishin nisur procedurat për zëvendësimin e diplomates së SHBA-ve, ishte një akt mafioz për llogari të kreut të qeverisë, Edi Rama.

“Unë mendoj që zonja Kim po korr atë që ka mbjellur gjatë këtyre 3 viteve, duke vendosur një raport preferencial me qeverinë, me mazhorancën aktuale dhe duke goditur opozitën. Është ky raport preferencial, ky raport i cili shpeshherë ka kaluar konteksin dhe suazin diplomatik në të cilën vepron një diplomat i nivelit të lartë, sidomos një diplomat i SHBA-ve në Shqipëri.

Ajo që ka ndodhur pak ditë më parë, ku Ministria e Jashtme e Shqipërisë në vend që të ngrinte shqetësimin dhe të merrej me faktin që në veriun e Kosovës, jemi në prag lufte, halli i kësaj ministrie ishte ka mbaruar apo nuk ka mbaruar mandati i Yuri Kim-it. Unë mendoj që ai ishte një akt mafioz shtetëror, i shpërdorimit të institucioneve shtetërore për llogari të interesave të kryeministrit Edi Rama”, theksoi ai.

LEXONI GJITHASHTU

• Bledian Koka: Ambasadorja Yuri Kim po ndërhyn te emrat e SPAK-ut
• “Ju them unë atë që ndodh”, Salianji rrëfen prapaskenat e përplasjes Rama-Kim
• Yuri Kim: Do monitorojmë nga afër zgjedhjen e shefit të ri të SPAK-ut