Analisti Ilir Yzeiri tha se kreu i qeverisë Edi Rama, kishte një performancë të jashtëzakonshme në Këshillin e Sigurimit, ditën e djeshme.

Në një intervistë për Euronews Albania, ai theksoi se Edi Rama e shfrytëzoi drejtimin e Këshillit të Sigurimit për të treguar performancën e tij dhe për të treguar anësinë perëndimore që ka Shqipëria.

Sipas tij kryeministri ishte i drejtpërdrejt në fjalën e tij.

“Edi Rama nuk bëri asnjë gjë më shumë seç mund të bënte një drejtues në Këshillin e Sigurimit. Edi Rama e shfrytëzoi këtë tribunë për të treguar performancën e tij dhe për të treguar anësinë perëndimore që ka Shqipëria dhe për të treguar gjithashtu dhe performancën që ka ai vetë si lider politik. Ai u shfaq i prerë.  Mbledhje të tilla, siç janë Këshilli i Sigurimit, deri më tani nuk kanë pasur të bëjnë me ndërhyrje si kjo e Ramës që i prishin rregullat protokollarë. Rama ishte i drejtpërdrejt dhe të gjithve ju bëri përshtypje se të bardhës të bardhë dhe të zezës të zezë. Pra e quajti Rusinë agresore dhe Ukrainën e quajti  viktimë. Mënyra e të folur të tij tërhoqi vëmendje. Këtë që bëri Rama nuk janë mësuar ta dëgjojnë të tjerët”-tha ai.

LEXONI GJITHASHTU: 

• Projektligji për shtetësinë/ Balla: Qytetarët e Kosovës mos të testohen për gjuhën
• Gjuha rome në shkolla/ 250 nxënës në Elbasan do t’a kenë lëndë mësimore