Zak Topuzi: Korriku e gushti kanë pasur më pak turistë, kryesisht në bregdet

Kreu i Shoqatës së Hoteleri-Turizmit, Zak Topuzi, është shprehur se muajt korrik dhe gusht kanë regjistruar një numër më të ulët turistësh që e kanë vizituar vendin.

Komentet Topuzi i bëri në Euronews Albania, ku tha se kjo nuk ka qenë problematikë vetëm në vendin tonë, por edhe në shtete të tjera turistike.

“Nuk ka më fund sezoni, turizmi është kthyer në mënyrë jetese. Ka një shtrirje vitet e fundit. Ne jemi ndoshta vendi që kemi shtrirjen më të gjatë nga 118 vende. Kjo është gjë pozitive, sepse nëse turizmi nuk shtrihet thuajse gjatë gjithë vitit, sepse krijon probleme me personelin.

Është një vit më i mirë, ka rreth 20 % më shumë lëvizje të të huajve në Shqipëri. Korriku e gushti nuk kanë qenë ato që priteshin. Kryesisht për zonat bregdetare. Por nuk është çështje vetëm e Shqipërisë, por edhe Spanja, Greqia, Mali i Zi kanë patur më pak turistë nga 5-10 % vetëm në pjesën e bregdetit”, tha Topuzi.

LEXONI GJITHASHTU:

• Elbasan|Historia e kultura tërheqin turistë, të huajt të interesuar për trashëgiminë
• Aktivistët e ambientit bllokojnë portin kryesor të anijeve turistike në Francë