Zana Avdiu: Kosova humbëse! Si mund të pranohet statusi i Kishës Serbe?

Analistja nga Kosova Zana Avdiu tha në një intervistë për Euronews Albania se marrëveshje mes Kosovës dhe Serbisë është një humbje e madhe për Albin Kurtin.

Avdiu u shpreh se neni 7 i kësaj marrëveshjeje është shumë problematik për Kosovën pasi flet për asociacion me kompetencë ekzekutive dhe status politik për kishat serbe në Kosovë.

“Nuk ka ndonjë dallim të madh nga marrëveshjet e shkuara, vetëm se po specifikohen më shumë gjëra që duhet të zbatohen brenda saj. Kosova ka kompetenca pak më të zgjeruara, duhet ta nënshkruante këtë marrëveshje. Neni 7 është problematik, që flet për një asociacion me kompetenca ekzekutive, që flet për një kanal komunikimi me qeverinë e Serbisë. Në këtë nen flitet se i duhet dhënë një statut politik kishave serbe në Kosovë, ky nen ka qenë problematik. Kjo është një humbje e madhe për Albin Kurtin. S’i ka pasur asnjëherë kauzat të vërteta, por i ka përdorur si karta për të ardhur në pushtet”,  tha Avdiu.

LEXONI GJITHASHTU:

• Bislimi zbulon në PE tre kushtet që Kosova të pranojë Asociacionin
• Kosova humbet, Behgjet Pacolli: S’ka njohje reciproke, Asociacioni do krijohet