“Zarfi, simboli zi i blerjes së zgjedhjeve”, Berisha: 683 mijë pensionistë u paguan

Ish-kryeministri Sali Berisha ngriti edhe një herë akuzat për shit-blerje votash nga qeveria për zgjedhjet e 14 majit.

Ai tha në konferencën e përjavshme për mediat, se zarfi ishte simboli i zi i zgjedhjeve. Ai tha se 683 mijë pensionistë të cilët votuan kishin marrë më herët para në zarf nga qeveria.

“Në raport me votën, të garantoj se dhunimi i votës ka qenë disa kate më i madh në këto zgjedhje se kurrë më parë. Këto zgjedhje si kurrë më parë u dërgua zarfi. Zarfi është ikona, simboli zi i blerjes së këtyre zgjedhjeve.

Një qeveri nuk ka asnjë vështirësi për të blerë zgjedhjet, duke mos përdorur paratë e pista, por paratë e buxhetit të shtetit. 683 mijë pensionistë morën bonusin zarf, nuk ka ndodhur kurrë dhe nuk mund të ndodhë kurrë.

Këto zgjedhje janë shumë më keq se në vitin 2001. Janë rritur rrogat në mes të fushatës elektorale. Prandaj nuk duhet të krahasojmë të pakrahasueshmen. Të tjerat janë duke ardhur. Këto janë aspekte. Por këto aspekte i bëjnë këto zgjedhje të pashembullta”,-tha Berisha.

LEXONI GJITHASHTU:

• Rusia vazhdon planin, do dërgojë armë bërthamore taktike në Bjellorusi
• “Deputeti më i mirë s’merr as 200 vota përballë meje”, analisti sfidon demokratët