“Mbete i pakënaqur nga leja e ndërtimit”- Veliaj-prokurorit të SPAK: E ke personale

Janë zbardhur detaje nga seanca me dyer të mbyllura për vlerësimin e masës së sigurisë ndaj kryebashkiakut të Tiranës, Erion Veliaj.

Burime nga seanca bëjnë të ditur se Veliaj i është drejtuar prokurorit Ols Dado me tone të ashpra duke e akuzuar për konflikt interesi.

Veliaj kërkoi largimin e prokurorit nga çështja, pasi sipas tij akuzat janë inate personale të prokuorit pasi ngeli i pakënaqur nga një leje ndërtimi që iu dha nga bashkia Tiranë.

“Ti je në konflikt interesi, e ke personale me mua. Më je paraqitur dhe ke përfituar leje ndërtimi nga ana ime. Pasi ke mbetur i pakënaqur, më ke thënë ‘do ta mbash mend’. Ke dy rrugë: ose të largohesh nga kjo çështje, ose të rreshtohesh me ndërtuesit e tjerë këtu”, mësohet të ketë thënë Veliaj gjatë seancës.

Në këtë moment, gjyqtari Erjon Bani i ka tërhequr vëmendjen kryebashkiakut për tonin e tij dhe i ka kërkuar të ruajë solemnitetin në sallën e gjyqit.

Kujtojmë se që prej orës 08:30 në ambientet e GJKKO po mbahet seanca për verifikimin e masës së sigurisë për kryebashkiakun e Tiranës, Erion Veliaj, bashkëshorten e tij Ajola Xoxa dhe 5 biznesmenët.

Fillimisht seanca u shty me 5 orë pas kërkesës së avokatëve të Veliaj që kërkuan kohë të njihen me fashikujt e prokurorisë. Veliaj u shoqërua nga Blloku i Sigurisë drejt GJKKO me fugon policie, ndërkohë që Xoxa që ndodhet në arrest shtëpie u shoqërua nga dy policë.

Në ndërkohë, gjatë kohës që në gjykatë zhvillohej procesi, disa qindra mbështetës të Veliaj u mblodhën përballë godinës së gjykatës për përkrahjen morale ndaj kryebashkiakut.

Veliaj akuzohet nga SPAK për korrupsion dhe pastrim parash pas një kallëzimi të bërë prej tij nga shtetasi i vetëidentifikuar si Nesti Angoni.

LEXONI GJITHASHTU:

• “Janë ekstremistë të PD!”- Rama sulmon dy gjyqtarët e GJKKO: Dumani të hetojë
• “Nuk po hetohet një vepër kriminale…” Rama ndërpret Bushkën: S’duhen këto komente
• Arrestimi i Veliajt, Rama: Vetëm një maskara mund të mendojë që kontrollojmë SPAK-un