“Nuk po hetohet një vepër kriminale…” Rama ndërpret Bushkën: S’duhen këto komente

Kryetarja e Komisionit të ligjeve, Klotilda Bushka, në fjalën e saj në mbledhjen e grupit parlamentar të PS, ka folur në lidhje me përmendjen e emrit të saj në dosjen hetimore për kryebashkiakun Erion Veliaj.

“Nga sa kam lexuar në media duket se kjo është një çështje e nisur nga një kallëzim anonim, duke hetuar jo për një vepër konkrete penale, por për të gjithë jetën e një personi publik.

Kjo i jep kujtdo të drejtën për të pasur një dyshim të arsyeshëm se nuk kemi të bëjmë me një hetim për të gjetur të vërtetën e një vepre kriminale, për një…”

Fjala e kryetares së komisionit të ligjeve u ndërpre nga kryeministri Rama i cili tha se këto komente nuk janë të nevojshme, pasi sipas tij nuk duhet harruar që Partia Socialiste është  garancia e pavarësisë së Prokurorisë dhe Gjykatës Speciale.

“Klotilda të lutem nuk ka nevojë për këto komente, mjafton sqarimi i rati tënd, sepse është shumë e rëndësishme që ne të jemi shumë të vëmendshëm për të mos harruar asnjëherë se ne jemi garancia e pavarësisë së Prokurorisë dhe Gjykatës Speciale”,-tha Rama.

LEXONI GJITHASHTU:

• “Nuk po hetohet një vepër kriminale…” Rama ndërpret Bushkën: S’duhen këto komente
• Arrestimi i Veliajt, Rama: Vetëm një maskara mund të mendojë që kontrollojmë SPAK-un