Zbardhen emrat, kush janë të arrestuarit për inceneratorët

Zbardhen emrat për të cilët SPAK ka lëshuar urdhër-arreste për çështjen e inceneratorëve.

Euronews Albania mëson se janë vendosur masat e sigurisë “arrest shtëpie” dhe “arrest me burg” për: Arber Denizi, Juri Ymeraj, Silvester Dreza, Gentian Zifla, Arjola Kodra, Enver Sheshi, Robert Shabani, Regan Merdani, Luran Dusha dhe Arben Dervishaj.

Loran Dusha është administratori i Inceneratorit të Fierit dhe Arjola Kodra ka mbajtur postin si administratore e Inceneratorit të Tiranës.

Personat e mësipërm akuzohen për veprime fiktive, shmangie të TVSH-së dhe shpërdorim detyre për 2 inceneratorët, të Fierit dhe Elbasanit.

Disa prej personave nuk janë gjetur në banesë dhe ka dyshime që ndodhen jashtë vendit. Deri më tani në pranga kanë rënë 5 nga 11 personat që u janë lëshuar udhër-arreste.

Ende nuk ka një njoftim zyrtar nga SPAK për hetimet dhe detajet nga operacioni.

LEXONI GJITHASHTU:

• Zv.presidenti i FSHF mes të arrestuarve nga SPAK për Inceneratorët
• Lëshohet urdhër-arresti për Mirel Mërtirin, burrin e Stela Gugalljas
• “Pasqyrë ligësie”, Rama sulmon mediat për portin e Durrësit