Zbardhen zyrtarisht veprat mbi të cilat po heton SPAK për aferën “Bankers Petrolium”

Janë zbardhur zyrtarisht veprat mbi të cilat po heton SPAK për Afera “Bankers Petrolium”, pasi dosja kaloi për kompetencë nga Prokuroria e Fierit.

Prokuroria e Posaçme ka rregjistruar procedim penal për veprat e mëposhtme penale: “Krijimi i skemave mashtruese lidhur me tatimin mbi vlerën e shtuar”, “Fshehja e të ardhurave”, “Pastrimi i produkteve të veprës penale ose veprimtarisë kriminale”, “Shpërdorimi i detyrës”, “Moskryerja e detyrave nga organet tatimore”, “Korrupsion pasiv i zyrtarëve të lartë shtetërorë ose i të zgjedhurve vendorë”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”,  të parashikuara nga nenet 144/a, 180/3, 181/a, 287, 28, 260, 248, 333/a dhe 334 të Kodit Penal.

Të dhënat hetimore janë publikuar në regjistrin e transparencës së Prokurorisë së Posaçme për muajin tetor.

Një muaj më parë, personat e arrestuar lidhur me skandalin e Bankers Petroleum kanë kërkuar ndryshim të masës së sigurisë në GJKKO.