Donald Trump përballet me 37 akuza lidhur me posedimin e qindra dokumenteve sekrete pasi la Shtëpinë e Bardhë.
Në Shtetet e Bashkuara është zbuluar një padi federale me 49 faqe, me akuzat që përfshijnë mbajtjen e informacionit, fshehje të dokumenteve, komplot për të penguar drejtësinë dhe dëshmi të rremë.
Autoritetet amerikane kanë gjetur mbi 300 dokumente të klasifikuara në rezidencën e Trump në Florida.
Hetuesi i posaçëm i Departamentit të Drejtësisë deklaroi se ligjet që mbrojnë informacionet për sigurinë kombëtare duhen forcuar.
“Ne kemi një paketë ligjesh në këtë vend dhe ato duhen zbatuar ndaj kujtdo. Zbatimi i ligjit dhe mbledhja e informacionit. Kjo e përcakton rezultatin e një hetimi. Asgjë më pak dhe asgjë më shumë”, tha Jack Smith, hetues i posaçëm.
Vetë Trump, që u bë kështu i pari ish-president në historinë amerikane që përballet me akuza federale, ka mohuar çdo shkelje.
LEXONI GJITHASHTU: