Zbardhet sherri me mjete të forta në Shkodër, arrestohet 1 person, 5 në kërkim

Policia e Shkodrës ka zbardhur rrethanat me mjete të forta të ndodhur një ditë më parë në këtë qytet ku mbeti i plagosur një shtetas.

Në pranga lidhur me këtë ngjarje është vënë shtetasi E. S., 47 vjeç dhe u shpallën në kërkim 5 të tjerë.

“Këta shtetas kanë goditur fizikisht dhe me sende të forta, gjatë konfliktit për vendparkimin e automjeteve, shtetasin V. B., i cili vijon të jetë në kujdesin e mjekëve. Nga veprimet hetimore dyshohet se shtetasi E. S. ka pasur me vete armë zjarri, ndërsa shtetasi A. B. dyshohet se ka kryer veprime që pengojnë zbulimin e ngjarjes”, bëri me dije policia.

Vijon puna për kapjen e shtetasve në kërkim dhe për dokumentimin e plotë të rrethanave të rastit.

LEXONI GJITHASHTU:

• Rrihet me sende të forta një 62-vjeçar në Shkodër
• Kamioni del nga rruga, plagoset 28-vjeçari në Shkodër