Zbardhet vdekja e 48-vjeçarit që u gjet në kanal, arrestohet shoku i ngushtë

Policia e Tiiranës ka zbardhur shkaqet e vdekjes së 48-vjeçarit i cili u gjet pa shenja jete në një kanal në fahstin Bërxullë të kryeqytetit.

Nga veprimet hetimore dyshohet se 48-vjeçari ka ndërruar jetë gjatë kohës që ka qenë duke konsumuar droga të forta, bashkë me shokun e tij, në banesën e këtij të fundit.

Policia ka arrestuar dhe shokun e 48-vjeçarit shtetasin me inicialet M.H., pasi nuk kallëzoi në Polici, për ngjarjen, dhe transportoi trupin e pajetë të shokut të tij, nga banesa në afërsi të përroit të Limuthit.

Janë sekuestruar gjithashtu sendet që dyshohet se janë përdorur nga këta shtetas, për konsumimin e lëndëve narkotike, në banesë, si dhe automjeti i përdorur për transportimin e trupit të pajetë të 48-vjeçarit.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

“Nga veprimet hetimore ka rezultuar se shtetasi E. T., 48 vjeç ka ndërruar jetë gjatë kohës që ka qenë duke konsumuar lëndë narkotike kokainë dhe heroinë, bashkë me shokun e tij, shtetasin M. H., 47 vjeç, në banesën e këtij të fundit.

Më pas dyshohet se shtetasi M. H. e ka transportuar me automjet dhe e ka lënë trupin e pajetë të 48-vjeçarit, në afërsi të përroit të Limuthit, në fshatin Bërxull, Tiranë.

Gjatë kontrollit në banesën e shtetasit M. H., shërbimet e Policisë kanë gjetur dhe sekuestruar sende që dyshohet se janë përdorur për konsumimin e lëndëve narkotike dhe automjeti i përdorur nga shtetasi M. H., për transportimin e trupit të pajetë”, thuhet në njoftimin e policisë.

LEXONI GJITHASHTU

• Zbardhet vdekja e 48-vjeçarit që u gjet në kanal, arrestohet shoku i ngushtë
• Digjet automjeti në Elbasan, detajet e para
• Sekuestrohen 276 kilogramë lëndë plasëse në Tropojë