Zbulohen 591 bimë narkotike në Krujë, arrestohen 2 vëllezërit dhe bashkëpunëtori

Policia e Krujës ka vijuar operacionin antidrogë të koduar “Koordinata”, në kuadër të planit kombëtar për goditjen e kultivimit të bimëve narkotike.

Si rezultat i kontrolleve intensive në terren, janë zbuluar në fshatin Zgërdhesh 11 parcela ku ishin kultivuar 591 bimë të dyshuara narkotike të llojit kanabis.

Bimët narkotike u asgjësuan në vendngjarje me anë të djegies, ndërsa u vunë në pranga tre shtetas të dyshuar si autorë të kësaj veprimtarie të paligjshme, konkretisht:

• Murat Seferi, 23 vjeç

• Emiljano Seferi, 32 vjeç (vëllai i Murat Seferit)

• Kastriot Bazja, 51 vjeç

Të tre janë banues në fshatin Halil, Fushë-Krujë.

Hetimet, të mbështetura edhe në metoda proaktive, vijojnë për identifikimin e personave të tjerë të përfshirë në këtë rrjet kultivimi.

LEXONI GJITHASHTU:

• Rinumërimi i votave, anëtari i KAS: Partitë e mëdha kanë humbur vota nga procesi
• Zhduket adoleshentja shqiptare në Greqi, dyshohet se e kanë rrëmbyer