Zbulohen 6 raste të reja me fruth/ Diko: Po identifikojmë fëmijët e pavaksinuar

Numri i fëmijë të infektuar me fruth ka shkuar në 17.  6 raste të reja janë identifikuar në 24 orët e funditë nëpërmjet analizave laboratorike të Institutit të shëndetit publik.

Ndër vazhdon hetimi epidemiologjik, qendrat shëndetësore janë ngrit në nivel alerti dhe në bazë të udhëzimit të ministrisë së shëndetësisë për të parandalimin e shpërthimeve epidemike nga fruthi, po identifikojnë çdo fëmijë të pavaksinuar.

“Këto ditë nga lajmërimi dhe evidentimi i grupit të punës janë paraqitur një numër shumë i madh pacientësh, për të kryer vaksinën e prapambetur ose të grupmoshës që kanë grupi i infermierëve dhe mjekëve janë autorizuar nga institucionet përkatëse për tu paraqitur në çerdhe kopshte dhe shkolla për të kontrolluar kartelat e vaksinave dhe njoftuar familjarët që të çojë fëmijët për vaksinë”- tha Jonida Diko, drejtore e qendrës shëndetësore.

Mjekët pediatër, thonë se fruthi është një sëmundje infektive që përhapet me shpejtësi ndaj edhe duhet kujdes.

Duke qenë se fruthi nis me një temperaturë të lartë, po ashtu si dhe gripi, mjekët apelojnë që të kontaktohet mjeku menjëherë për të bërë diferencimin e diagnozës.

Aplikimi i vaksinës kundër fruthit në moshën 1 dhe 5 vjeç është e vetmja mundësi për ti mbrojtur fëmijët nga ky infeksion që ndonjëherë është vdekjeprurës. Sipas ekspertëve, shkak i rritjes së rasteve me fruth është ulaje mbulesës vaksinale. Tirana është me riskura për shpërthime epidemike pasi  mbulesa vaksinale me dozën e parë ka rënë në 73%.

LEXONI GJITHASHTU:

• 168 aksidente në vendin e punës/ Sektorët më problematikë: Ndërtimi dhe minierat
• BE: Zgjidhja e problemeve me fqinjët përmes dialogut, thelbësore për zgjerimin