Zbulohen plantacionet e kanabisit në Gjermani, “kokat” e grupit kriminal shqiptar

Policia gjermane ka zbuluar një objekt ku kultivoheshin bimë narkotike. Gjatë operacionit janë sekuestruar 1800 rrënjë kanabis, ndërsa dy persona, pjesë e një bande shqiptare janë arrestuar.

Droga ishte mbjellë në një magazinë në Geislingen dhe u identifikua këtë të mërkurë. Bëhet me dije se dhomat ishin të pajisura me sistem ajrimi dhe ndriçimi.

Të dyshuarit thuhet se kanë nxjerrë në mënyrë të paligjshme energjinë e nevojshme nga rrjeti elektrik i sallave industriale ngjitur. Ata kanë jetuar në dhoma të përshtatura brenda magazinës dhe nuk kanë dalë fare, duke u kujdesur kështu për rritjen e shëndetshme të bimëve.

Vijojnë hetimet për të zbuluar lidhjet e dy të arrestuarve me bandën shqiptare dhe kontaktet e tyre që merreshin me shpërndarjen e drogës.

LEXONI GJITHASHTU:

• Asgjësohen mbi 1 mijë fidanë kanabis në Shkodër, 2 të arrestuar, 2 në kërkim
• Gjenden dhe asgjësohen 1099 fidanë kanabis