Zbulohet agjenda e Antony Blinken pas vizitës në Izrael

Sekretari amerikan i Shtetit, Antony Blinken tha të enjten se do të udhëtojë në Arabinë Saudite, Egjipt dhe Emiratet e Bashkuara Arabe, përveç Jordanisë dhe Katarit, pasi të largohet nga Izraeli.

Diplomacia intensive vjen në një kohë kur SHBA kërkon të ndalojë zgjerimin e konfliktit midis Hamasit dhe Izraelit, përpiqet të sigurojë lirimin e pengjeve dhe punon me Egjiptin dhe Izraelin për të hapur një korridor humanitar nga Gaza.

“Në secilin prej këtyre angazhimeve, ne do të vazhdojmë t’u bëjmë presion vendeve për të ndihmuar në parandalimin e përhapjes së konfliktit dhe për të përdorur ndikimin e tyre me Hamasin për të liruar menjëherë dhe pa kushte pengjet,” tha Blinken në një konferencë shtypi në Tel Aviv.

Ai gjithashtu do të diskutojë se si të krijohet një rajon më paqësor, më i begatë dhe më i sigurt.

LEXONI GJITHASHTU:

• Blinken gjatë vizitës në Izrael: SHBA-ja do të jetë gjithmonë përkrah jush
• “Axhenda e vetme e Hamas, të vrasë hebrenjtë”, Blinken takon Netanjahun në Tel Aviv