Zbulohet breshka gjigande sa një makinë

Fosilet e një breshke me përmasat e një makine janë zbuluar në pjesën veriore të Amerikës së Jugut. Breshka (e quajtur stupendemys geographicus) mendohet se ka jetuar në këtë pjesë të botës 7 deri në 13 milionë vjet më parë.

Fosilet u zbuluan në shkretëtirën Tatakoa të Kolumbisë dhe në rajonin Urumako të Venezuelës. Lloji i parë i kësaj gjallese u zbulua në vitet ’70, por shumë mistere kanë mbetur mbi historinë e kafshës 4 metra të gjatë.

Ajo ka përmasat e një makinë dhe ka jetuar në tokë të lagësht në Amerikën e Jugut përpara krijimit të lumenjve Amazon dhe Orinoko. Breshka mashkull ka pasur brirë në të dy anët e guaskës së tij. Shenja të gjendura atje tregojë se brirët përdoreshin për të kryer sulme ndaj rivalëve.

Studiuesit deklarojnë se kanë gjetur një guaskë 3 metra të gjatë dhe një nofull të poshtme që u ka dhënë atyre më shumë të dhëna për ushqimin e saj. Ata mendojnë se breshka gjigante jetonte në thellësitë e lumenjve dhe liqeneve, pranë krokodilëve gjigantë, duke ngrënë kafshë të vogla, bimësi, fruta dhe fara.

Përmasat e mëdha ishin jetike që kafsha të mbrohej nga grabitqarë të mëdhenj, nisur nga fakti se një nga fosilet e “stupendemys georgaphicus” u gjet me një dhemb krokodili të ngulur në të.