Zbulohet ndikimi i pushtimit rus në ekonomitë evropiane

Pushtimi rus i Ukrainës ka reduktuar rritjen ekonomike dhe ka shtyrë “në mënyrë të konsiderueshme” inflacionin në të gjithë kontinentin, tha Banka Kombëtare Zvicerane.

Në mënyrë shqetësuese, ai paralajmëroi se efektet më të këqija do të vijnë ende.

Duke parë ndikimin e luftës në ekonomitë e Gjermanisë, Britanisë, Francës, Italisë dhe Zvicrës, banka tha se prodhimi do të kishte qenë midis 0.1% dhe 0.7% më i lartë në tremujorin e katërt të 2022 nëse Rusia nuk do të kishte sulmuar Ukrainën.

Gjermania ishte më e goditura dhe do ta kishte parë GDP-në e saj 0.7% më të lartë dhe inflacion 0.4% më të ulët.

Britania e Madhe ka pësuar goditje, me prodhimin ekonomik të reduktuar me 0.7%, dhe inflacionin u rrit me 0.2%.

“Pasojat negative të luftës ka të ngjarë të jenë shumë më të mëdha në periudhën afatmesme dhe afatgjatë, veçanërisht në lidhje me ekonominë reale,” tha një studim nga banka.

LEXONI GJITHASHTU: 

• Rritja e pagave të Kushtetueses, pse “dështoi” votimi në parlament
• EMRI| Qëlloi me armë se nuk e lanë të hynte në hotel, lirohet reperi i njohur