Zbulohet shtëpi bari në Vlorë, arrestohet 40-vjeçari

Një tjetër shtëpi bari është zbuluar në lagjen ‘Kushtrimi të Vlorës’. në pranga ka rënë një 40-vjeçar që kishte marrë shtëpinë në përdorim.

Pas një hetimi të gjatë, sektori për hetimin e narkotikëve ka arritur të lokalizojë banesën, ku është konstatuar fillimisht vjedhja e energjisë elektrike.

Gjatë kontrollit në ambientet e përshtatura për kultivimin e kanabis sativa, janë zbuluar dhe sekuestruar 330 bimë narkotike të mbjella në kova plastike, 88 llamba, 18 freskuese, 5 aspiratorë dhe sende të tjera të paligjshme.

Gjithashtu u gjet edhe një sasi bime narkotike, e cila ishte vendosur në proces tharje. Mbi 40-vjeçarin e arrestuar Anest Rrapaj rëndojnë 3 akuza: ‘prodhimi dhe shitja e narkotikëve’, ‘kultivimi i bimëve narkotike’ dhe ‘vjedhja e energjisë elektrike’.

Shtëpitë e barit janë kthyer në trendin e re të kultivuesve të bimëve narkotike në Shqipëri. Vetëm gjatë vitit 2021 u zbuluan 26 shtëpi të tilla. Në shumicën e rasteve, zbulimi i këtyre ambienteve u shoqëruar edhe me arrestimin e punonjësve të OSHE, nën akuzën e “shpërdorimit të detyrës”

LEXONI GJITHASHTU:

• Policia godet një tjetër shtëpi bari në Tiranë
• Pse trafikantët po zgjedhin shtëpitë e barit, sipas ish-drejtuesit të policisë