Pas një pritjeje shekullore, një gërmim ka zbuluar më në fund teatrin e vetëm antik në Ishujt Jon të Greqisë.

Teatri i Lefkadës së lashtë u zbulua për herë të parë në vitin 1901, por u desh deri më tani që teatri të zbulohej për ta parë të gjithë.

Mbetjet e teatrit, të cilat kanë pamje nga bregu, ndodhen rreth 3 km në jug nga qyteti modern i Lefkadës.

Besohet se teatri është ndërtuar rreth shekullit të IV para Krishtit dhe është i vetmi teatër i këtij lloji në Ishujt Jon.

Historianët fillimisht u bënë të vetëdijshëm për ndërtesën në vitin 1901 kur arkeologët gjermanë drejtuan gërmimet në ishull dhe më vonë botuan në një libër gjetjet e tyre.

Megjithatë, pasi gjermanët gjetën teatrin, ata e rivarrosën atë. Në shekullin që pasoi, pemët e ullirit dhe magazinat e improvizuara pushtuan vendin dhe teatri u besua i humbur.

Ai u rizbulua rastësisht në vitin 1997 kur u identifikua nga karakteristikat e veçanta gjeografike të monumentit në një studim nga Eforati i 12-të i Antikiteteve Prehistorike dhe Klasike.

Besohet se teatri nuk u përfundua kurrë plotësisht dhe ishte planifikuar të mbante midis 10,000 dhe 11,000 spektatorë.

Deklarata për shtyp e përshkroi zbulimin si “pa dyshim monumenti më i rëndësishëm dhe më imponues që ka dalë në dritë në Lefkadën e lashtë”.

Gjithashtu u zbuluan pjesët e tre froneve prej guri, të zbukuruara me putrat e luanit, delfinët, zogjtë dhe një sirenë; të cilat të gjitha “ishin të destinuara për persona të shquar, priftërinj apo zyrtarë të qytetit”.

LEXONI GJITHASHTU:

• Zbulohet një galaktikë e lashtë, e formuar menjëherë pas Big Bengut
• Arkeologët austriak zbulojnë eshtrat e 150 ushtarëve të epokës romake