Zbulohet trajtimi që lufton kancerin e lëkurës, dha rezultate në Belgjikë

Një trajtim kundër kancerit rezistent të lëkurës është zbuluar në Belgjikë. Spitali Universitar i Brukselit ka testuar një trajtim të ri eksperimental kundër ‘melanomave rezistente’, me rezultate shumë inkurajuese te pacientët tek të cilët trajtimi standard nuk funksionoi.

“Ne morëm rezultate shumë inkurajuese. Këta pacientë ishin të dënuar, sepse trajtimet standarde nuk funksionuan. Fakti që disa prej tyre tani janë shëruar është një shenjë shumë e rëndësishme,” thotë profesor Bart Neins.

Në dy nga tetë pacientë, të gjitha metastazat u zhdukën.

Trajtimi përfshin injektimin e tumorit me “qeliza dendritike”, të cilat ndihmojnë sistemin imunitar të sulmojë dhe t’i bëjë qelizat e kancerit të padëmshme, së bashku me një agjent shtesë sintetik për rritjen e imunitetit.

Rezultatet ishin inkurajuese dhe prova klinike do të vazhdojë vitin e ardhshëm, njoftoi sot Spitali Universitar.

LEXONI GJITHASHTU:

• Trajneri serb merr drejtimin e Skënderbeut
• Deputetët, një minutë heshtje për babë e bir që humbën jetën në Malësi të Madhe
• Alibeaj-Nikollës: Po shkelni rregulloren, deputetët 10 minuta kohë për të folur