Zëdhënësi i fushatës së Belerit: Më vendosën çip në makinë, përgjuan vëllanë mekanik

Zëdhënësi i fushatës së Fredi Belerit, ishte i ftuar këtë të mërkurë në Euronews Albania, ku hodhi akuza të forta në lidhje me arrestimin e kryebashkiakut të Himarës.

Dhuli tha se në mënyrë të paligjshme është vënë nën përgjim i gjithë shtabi elektoral i Fredi Belerit, madje dhe familjarëve të tyre.

Ai solli në vëmendje dhe një rast personal, teksa tha se makinës së tij personale i ishte vendosur çip nga policia dhe nuk përgjohej ai, por vëllai i tij mekanik, që s’ka asnjë lidhje me politikën.

“Unë kam një detaj juridik. Kjo histori ka një tjetër skandal. Prokuroria e Vlorës jep urdhër për përgjimin e Fredi Belerit dhe 4 personave të tjerë të cilët nuk janë pjesë e shtabit electoral. Çfarë bën policia e Himarës?! Vë në përgjim të gjithë shtabin elektorale të Fredi Belerit, në kundërshtim me çdo ligj të mundshëm, duke i vënë çipa makinave tona. Në rastin tim kanë bërë një skandal tjetër, që po e bëj publike tani për herë të parë. I vendosën çip makinës time dhe nuk përgjonin mua, që jam pjesë e shtabit të Belerit, por përgjojnë vëllanë tim, një person që nuk është marrë kurrë me politikë, një njeri që pounon 16-orë si mekanik dhe duhet ta përgjojnë ca policië bastardë të Edi Ramës. Pse duhet ta përgjojnë vëllanë tim? Vetëm sepse unë merrem me politikë. E kupton çfarë bëjnë këta, vënë në përgjim familjarët tanë”, tha Dhuli.