Zëdhënësi i Kremlinit: Armë bërthamore në rast të një kërcënimi ekzistencial

Zëdhënësi i Kremlinit Dmitry Peskov deklaroi se Rusia do të përdorte armë bërthamore vetëm nëse shteti do të përballej me një kërcënim ekzistencial.

I pyetur nëse presidenti rus, Vladimir Putin do ta konsideronte mundësinë e përdorimit të armëve bërthamore, Peskov tha: “Ne kemi një koncept të sigurisë së brendshme dhe ky koncept është publik, ju mund t’i lexoni të gjitha arsyet e përdorimit të armëve bërthamore. Pra, nëse ka një kërcënim ekzistencial për shtetin tonë, atëherë arsenali bërthamor mund të përdoret në përputhje me konceptin tonë”.

Më 28 shkurt, Putin njoftoi se ka vendosur në gatishmëri të posaçme fuqinë strategjike bërthamore të Rusisë.

LEXONI GJITHASHTU:

• Rusia synon të rrethojë trupat ukrainase në lindje, sipas Britanisë
• Rusia bllokon transmetimin e Euronews, shkak raportimi nga Ukraina