Zëdhënësi i Kremlinit: NATO në Ukrainë nisi një operacion ushtarak special

Zëdhënësi i Kremlinit, Dmitry Peskov, ka deklaruar se prania e specialistëve të NATO-s në Ukrainë dhe në organet qeveritare të këtij shteti ishin ndër faktorët që e shtynë Rusinë të nisë operacionin e saj të posaçëm ushtarak.

Peskov u shpreh se deklaratat e presidentit ukrainas Volodymyr Zelensky pas fitores së tij në zgjedhjet e vitit 2019, të cilat premtonin paqe, nuk u realizuan. Sipas zëdhënësit të Kremlinit, Zelensky kishte shkelur marrëveshjet e Minskut dhe kishte përshkallëzuar tensionet me Rusinë, duke ndikuar negativisht në stabilitetin e rajonit.

“Pati një prani të qartë të specialistëve të NATO-s në territorin ukrainas dhe brenda agjencive qeveritare, së bashku me furnizimin me armë. Kjo përbënte një kërcënim të drejtpërdrejtë për qytetarët rusë në Ukrainë, si dhe rreziqe më të gjera sigurie për Rusinë”, tha Peskov. Ai theksoi se këto faktorë në fund të fundit çuan në vendimin për të nisur operacionin special ushtarak të Rusisë.

LEXONI GJITHASHTU:

• Dronët izraelitë godasin Libanin jugor, tre të vdekur dhe disa të plagosur
• Si një “mini Louvre”/ Dy breza Rothschild-ësh në luftë për thesare artistikë