Zëdhënësi i MEK: Një i vrarë nga kontrollet e policisë në kampin e muxhahedinëve

Zëdhënësi i MEK ka raportuar se si pasojë e kontrolleve të zhvilluara nga Policia e Shtetit  në qendrën e muxhahedinëve në Manzë të Durrësit, ka mbetur i vrarë një banor i Ashrafit.

Sipas zëdhëbësit të MEK kanë mbetur të plagosur dhe 36 persona të tjerë. Ende nuk ka asnjë informacion zyrtar apo konfirmim nga policia shqiptare.

“Një banor i Ashrafit u vra nga sulmi i policisë.

Ky veprim është vetëm për të qetësuar mullahët iranianë që po bien. Ky aksion është i ngjashëm me atë të 17 qershorit që u zhvillua në Paris, por ky është në Shqipëri.

Sot është një nga ditët më të zeza në Shqipëri. Nuk është qëndrimi zyrtar i autoriteteve të Ashrafit, por ajo që thonë banorët e Ashrafit”, njofton zyrtari i MEK.

Situata mbetet e paqartë dhe nuk dihet ende çfarë po ndodh me saktësi brenda kampit të muxhahedinëve në Manzë të Durrësit.

Gazetarja e Euronews Albania Kloida Gjuzi tha se sipas dëshmive të banorëve, brenda kampit ishte bërë rezistencë ndaj kontrolleve të policisë për mos dorëzimin e serverave.

Raportohet se 36 persona kanë mbetur të plagosur nga shpërthimet neutralizuese sipas policisë.

Ndërkohë që në një reagim për Euronews Albania, policia mohon lajmin se ka mbetur i vdekur një person gjatë aksionit.

LEXONI GJITHASHTU:

• “Rezistencë ndaj policisë për serverat”- Gazetarja detaje nga brenda kampit MEK
• Policia për Euronews: Nuk ka viktima në qendrën e muxhahedinëve në Manzë