Zelenksi e quan operacion terrorist rrethimin e Mariupolit, reagimi i Putin

Zhvillimet më të fundit mbi luftën në Ukrainë:

• Presidenti ukrainas Volodymyr Zelenski tha të enjten se mijëra civilë mbeten të bllokuar brenda Mariupolit, pasi ai e krahasoi rrethimin rus me një “operacion terrorist”. Zyrtarët ukrainas të martën identifikuan vendndodhjen e varrezave masive jashtë qytetit.
• Evakuimi i civilëve po ecën shumë ngadalë sipas zëvendëskryeministres të Ukrainës, mes sulmeve intensive nga forcat ruse. “Nga ana ruse gjithçka është shumë e ndërlikuar, kaotike, e ngadaltë dhe sigurisht e pandershme”, tha Iryna Vereshchuk në Telegram. Komandantët ukrainas në terren kanë thënë se forcat ruse nuk kanë respektuar marrëveshjet për të hapur korridoret e evakuimit apo për të zbatuar armëpushimet.
• Ligjvënësit në parlamentin e Estonisë dhe Letonisë u shprehën të enjten se Rusia ka kryer gjenocid në Ukrainë, duke përmendur varrezat masive.
• Zelensky paralajmëroi Rusinë të enjten se çdo përpjekje për aneksim, e ngjashme me Krimenë ose të ashtuquajturat republika separatiste në lindje të vendit, do të çojë në sanksione që do ta lënë Rusinë të varfër.
• SHBA i dërgon më shumë ndihmë Ukrainës. Biden njoftoi një ndihmë ushtarake shtesë prej 800 milionë dollarësh për Ukrainën. Paketa e re do të përfshijë artileri të rëndë dhe drone.
• Presidenti i Rusisë, Vladimir Putin pretendon se ushtria ruse ka marrë nën kontroll qytetin e Mariupolit dhe ka shpallur fitoren në portin jugor të Ukrainës.

LEXONI GJITHASHTU:

• Putin pretendon fitoren e ushtrisë ruse në Mariupol
• Ukrainasit rikthehen në shtëpi për Pashkë, rrezikojnë jetët