Zelenski reagon për sulmet ruse pas takimit me kreun e OKB-së

Presidenti Ukrainas Volodimir Zelenski deklaron se sulmet ajrore ruse në Kiev, të cilat goditën qytetin të enjten, ndërsa Sekretari i Përgjithshëm i OKB-së Antonio Guterres po zhvillonte vizitën, ishin një përpjekje për të “poshtëruar” organizatën ndërkombëtare.

Presidenti ukrainas e bëri deklaratën në një postim në rrjetin social, Twitter.

Zhvillimet më të fundit në Ukrainë:

• Ukraina shpreson të evakuojë civilët nga objekti i çelikut në Mariupol të premten.
• Gjatë orëve të fundit Rusia po parandalon evakuimin e luftëtarëve të plagosur ukrainas nga Mariupol sepse dëshiron t’i kapë ata, sipas guvernatorit lokal.
• Presidenti amerikan Joe Biden i kërkon Kongresit 33 miliardë dollarë ndihmë për sigurinë, ekonomike dhe humanitare për Ukrainën.
• OSBE po detyrohet të largohet nga Ukraina lindore, pasi Rusia vuri veton ndaj një zgjatjeje të misionit të saj atje.
• Rusia nisi valën e sulmeve me raketa në Ukrainë të enjten në mbrëmje, duke përfshirë edhe kryeqytetin, Kiev. Këto sulme erdhën një orë pasi presidenti ukrainas Zelenski mbajti një konferencë shtypi me Sekretarin e Përgjithshëm të OKB-së António Guterres.
• Ministri i Jashtëm i Ukrainës, Dmytro Kuleba kritikon NATO-n dhe kërkon garanci sigurie nga vendet e tjera.
• Agjencia e Rojës Kufitare të Polonisë thotë se ka regjistruar 3 milionë kalime në Poloni nga Ukraina fqinje që nga fillimi i pushtimit rus.

LEXONI GJITHASHTU:

• Guterres takon Zelenskin: Të mundësojmë korridoret humanitare
• Kryebashkiaku i Kievit thirrje Perëndimit për më shumë armë
• ‘Mund të zgjasë me vite’, paralajmërimi i NATO-s për luftën në Ukrainë