Zelensky: 30 sulme me dronë nga Rusia në dy ditë

Presidenti ukrainas, Volodymyr Zelensky tha se Rusia ka nisur më shumë se 30 sulme me dronë në Ukrainë në vetëm dy ditë.

Ai shtoi se në total, Moska kishte kryer gjithashtu rreth 4,500 sulme me raketa dhe mbi 8,000 sulme ajrore, shkruan BBC.

Duke folur nga Kievi dhe duke qëndruar pranë një droni të rrëzuar iranian Shahed, Zelensky u zotua të “kapë krahët” e fuqisë ajrore të Moskës.

Zyrtarët perëndimorë besojnë se Irani ka furnizuar Rusinë me një numër të madh dronësh, por Moska dhe Teherani e mohojnë këtë.

Kjo vjen pasi Sekretari Amerikan i Shtetit Antony Blinken e quajti përdorimin agresiv të dronëve nga Rusia “të tmerrshëm”.

Diplomati i lartë amerikan akuzoi komandantët rusë për përdorimin e pajisjeve për të “vrarë civilët ukrainas dhe shkatërruar infrastrukturën në të cilën ata mbështeten për energji elektrike, për ujë, për ngrohje”.

“Kanadaja dhe Shtetet e Bashkuara do të vazhdojnë të punojnë me aleatët dhe partnerët tanë për të ekspozuar, për të penguar dhe për të kundërshtuar ofrimin e këtyre armëve nga Irani”, tha Blinken.

LEXONI GJITHASHTU

• Putin përjashton mundësinë e përdorimit të armëve bërthamore në Ukrainë
• ‘Perëndimit po i vjen fundi’, Putin: Dekada më e rrezikshme që nga Lufta II Botërore
• Rusia në test, Moska simulon reagimin bërthamor ndaj një sulmi armik