Zelensky për sulmin me 17 viktima në Zaporizhia: Do mbahet përgjegjësi

Presidenti i Ukrainës, Volodymyr Zelenskiy është zotuar se ata që urdhëruan dhe sulmuan qytetin juglindor të Ukrainës, Zaporizhzhia, do të mbajnë përgjegjësi.

Përmes një postimi në rrjetet sociale, Zelensky u shpreh se ata që dhanë urdhrun për sulmin janë terroristë.

“Zaporizhzhia përsëri. Sulme të pamëshirshme ndaj njerëzve paqësorë. Në ndërtesat e banimit, pikërisht në mes të natës. Tashmë dihet për 12 të vdekur. Në spital ndodhen 49 viktima, mes tyre 6 fëmijë. Poshtërsi absolute. E keqja absolute. Çnjerëz dhe terroristë. Nga ai që dha këtë urdhër dhe për të gjithë ata që e zbatuan këtë urdhër. Ata do të përgjigjen. Domosdoshmërisht. Para ligjit dhe para njerëzve”, shkroi Zelenski në Facebook.

Raketat e lëshuara nga forcat ushtarake ruse gjatë natës, kanë lënë të vdekur 17 persona në Zaporizhia.

Sekretari i Këshillit të qytetit, Anatoliy Kurtev deklaroi se pesë shtëpi janë shkatërruar dhe rreth 40 janë dëmtuar në zonën e kontrolluar nga ushtria ukrainase në këtë qytet.

Zaporizhia është aneksuar javën e kaluar nga Rusia, hap që është konsideruar në kundërshtim me ligjin ndërkombëtar.

LEXONI GJITHASHTU

• Bombardimet ruse shkaktojnë 17 viktima në Zaporizhia
• Zelensky thirrje BE-së dhe Ballkanit: Filloni kurs privatësie ndaj Rusisë
• ‘Po përgatitet sulmi bërthamor’, Zelensky: Bota të reagojë