Zelensky pranon propozimin e armëpushimit 30-ditor, Rubio: Topi në anën e Rusisë

Presidenti i Ukrainës Volodymyr Zelensky, ka falënderuar ekipin amerikan për bisedimet konstruktive në Arabinë Saudite.

Presidenti ukrainas thotë se propozimi 30-ditor i armëpushimit mbulon vijën e frontit, jo vetëm ajrin dhe detin.

“Pala amerikane i kupton argumentet tona, i pranon propozimet tona dhe dua të falënderoj presidentin Trump për konstruktivitetin e bisedës mes ekipeve tona”, tha ai në një deklaratë në Telegram.

Zelensky konfirmon se Ukraina ka pranuar propozimin e armëpushimit, duke shtuar se “ne e konsiderojmë atë pozitiv dhe jemi të gatshëm të ndërmarrim këtë hap”.

“Ukraina është gati për paqe”, thotë Zelensky, duke shtuar se Rusia “duhet të tregojë nëse është gati të ndalojë luftën apo ta vazhdojë atë.

“Ka ardhur koha për të vërtetën e plotë”, tha ai.

Nga ana e tij Sekretari Amerikan i Shtetit Marco Rubio tha se këtë ofertë tashmë do t’ia bëjnë rusëve me shpresën se do të pranojnë gjithashtu.

“Topi është në fushën e tyre”, u shpreh Rubio duke shtuar se Presidenti Trump dëshiron që lufta të përfundojë.

LEXONI GJITHASHTU:

• 9 orë bisedime me SHBA, Ukraina gati të pranojë armëpushim të përkohshëm
• Mbahet takimi mes delegacioneve të SHBA-së dhe Ukrainës, çfarë dihet deri tani