Zelensky: Ukraina nuk po sheh presion ndaj Rusisë për të përfunduar luftën

24 Prill 2025 | 16:24

Presidenti i Ukrainës, Volodymyr Zelensky, ka theksuar se Ukraina nuk po sheh presion të mjaftueshëm ndaj Rusisë për t’i dhënë fund luftimeve. Gjatë një vizite në Afrikën Jugore, Zelensky u shpreh se nuk ka sanksione të reja ndaj Moskës, përkundër refuzimit të saj për të avancuar bisedimet e paqes. Ai shtoi se një presion më i madh ndaj Federatës Ruse mund të çonte në një afrimitet më të madh të palëve dhe mundësi për bisedime paqësore.

Zelensky theksoi se Ukraina ka bërë përpjekje të konsiderueshme për të avancuar në dialogun me Shtetet e Bashkuara, duke nënshkruar një memorandum për mineralet, pas heqjes së disa dispozitave që do të ishin në kundërshtim me Kushtetutën e Ukrainës. Ai theksoi se çdo kompromis mund të diskutohet pas arritjes së një marrëveshjeje për armëpushim.

Zelensky gjithashtu kërkoi që SHBA të luajë një rol të rëndësishëm në garantimin e paqes. Ndërkohë, presidenti amerikan Donald Trump reagoi përmes një postimi në rrjetet sociale, duke kritikuar sulmet ruse ndaj Kievit dhe duke kërkuar një marrëveshje paqeje.

Trump e shprehu shqetësimin për humbjet e jetëve, duke theksuar se Rusia duhet të ndalojë sulmet, ndërsa e ftoi Zelenskyn të ndërmerrte hapa konkret për të përfunduar luftën. Teksa fajësoi Ukrainën për negociatat Trump tha se Kievi e ka humbur Krimenë vite më parë dhe se kjo çështje nuk duhet të jetë më një pengesë për një marrëveshje paqeje.

Në një intervistë për Ëall Street Journal, Zelensky përsëriti se Ukraina nuk do ta njohë ligjërisht pushtimin e Krimesë, pasi kjo është në kundërshtim me Kushtetutën e Ukrainës

Home Kryefaqja
Shiko në: YouTube
Lajme të Sugjeruara

Franca, Spanja dhe Holanda dërgojnë ekipe kërkim-shpëtimi në Venezuelë

Presidenti francez, Emmanuel Macron tha se një ekip prej 85 specialistësh francezë në operacionet e kërkim-shpëtimit po dërgohet menjëherë në Venezuelë. Macron foli me presidenten...
14:25 | 25/06/2026

Kupa e Botës, momenti kur makina merr përpara tifozët në Meksikë. Ddisa të plagosur (VIDEO)

Një automjet ka marrë përpara një turmë njerëzish që ishin mbledhur në vendpushimin e njohur turistik të Cabo San Lucas, pasi Meksika fitoi një ndeshje...
14:19 | 25/06/2026

Studimi: Emigracioni ka nxitur ndjeshëm rritjen ekonomike në vendet e pasura

Kombet e pasura me shkallën më të lartë të emigracionit gjatë 35 viteve të fundit përfituan një përfitim të madh ekonomik dhe shumë prej tyre...
13:52 | 25/06/2026