Zgjatje e armëpushimit në Gaza, diskutime mes kabinetit izraelit të luftës

Kabineti i luftës në Izrael diskutoi mundësinë e zgjatjes së armëpushimit të përkohshëm me Hamasin kur u takua të dielën në mbrëmje, tha një burim izraelit për CNN.

Burimi tha se kushtet për një zgjatje mbeten të pandryshuara nga marrëveshja fillestare, që do të thotë se Hamasi duhet të lirojë 10 pengje shtesë për çdo ditë pauzë shtesë në luftime.

Izraeli dhe Hamasi arritën një marrëveshje javën e kaluar për një pauzë katër-ditore në luftime dhe lirimin e të paktën 50 grave dhe fëmijëve të mbajtur peng në Gaza.

Marrëveshja përfshinte pengjet që mbaheshin robër nga Hamasi, duke u liruar në këmbim të një numri grash dhe fëmijësh palestinezë në burgjet izraelite. Armëpushimi, ndërkohë, lejoi gjithashtu hyrjen e “një numri më të madh të autokolonave humanitare dhe ndihmave”.

Lirimi i parë i pengjeve dhe të burgosurve u bë të premten, ndërsa të tjerët u zhvilluan të shtunën dhe të dielën.

LEXONI GJITHASHTU:

• Gaza, zyrtari i Egjiptit: Sinjale pozitive nga palët për zgjatjen e armëpushimit
• E burgosura palestineze: Lirimi ishte surprizë, nuk e dinim se ç’po ndodhte në Gaza