Zgjedhja e Papës së ri| Kardinalët katolikë nisin konklavën me datë 7 maj

Kardinalët katolikë kanë caktuar datën 7 maj për nisjen e konklavës, procesi sekret i zgjedhjes së Papës së ri, pas vdekjes së Papa Françeskut më 21 prill në moshën 88 vjeçare.

Ky vendim u mor pas një mbledhjeje të kardinalëve të hënën, që shënoi takimin e parë pas varrimit të Papa Françeskut, ku ata diskutuan për datën e nisjes së konklavës.

Kapela Sistine, që daton nga shekulli i 16-të dhe është vendi tradicional i zhvillimit të konklavave, u mbyll për turistët të hënën për të mundësuar përgatitjet e nevojshme për procesin e votimit. Dy konklavat e fundit, ato të vitit 2005 dhe 2013, zgjatën vetëm dy ditë, por ky proces mund të ndryshojë varësisht nga situata dhe vendimi i kardinalëve.

Papa i ri do të zgjidhet nga Kolegji i Kardinalëve, grupi i zyrtarëve më të lartë të Kishës Katolike. Aktualisht, 252 kardinalë janë pjesë e Kolegji, ku 135 prej tyre kanë të drejtë vote për zgjedhjen e Papës së ri. Kardinalët mbi 80 vjeç nuk mund të marrin pjesë në votim, megjithatë ata mund të kontribuojnë në diskutimet mbi kandidaturat për papë.

Ky proces është një ngjarje me rëndësi të madhe për besimtarët katolikë në mbarë botën, duke shënuar një fazë të re në udhëheqjen e Kishës Katolike.

LEXONI GJITHASHTU:

• Rama përplaset me qytetarin: Po ke paguar për legalizimin, bëjmë bashkë denoncimin
• Tragjedia e Koçanit, familjet e të ndjerëve nesër protestojnë në Shkup