Zgjedhjet, Celibashi: Nuk është domosdoshmëri që të ketë kufi të pjesëmarrjes

Kreu i KQZ-së, Ilirjan Celibashi gjatë deklaratës së tij për media është pyetur edhe lidhur me pjesëmarrjen e ulët në zgjedhjet e pjesshme dhe sa legjitimë janë 5 fituesit si kryetarë bashkie. Celibashi u shpreh se ai i përket grupit që sipas tij nuk ka një kufi të caktuar të pjesëmarrjes për ti quajtur të vlefshme zgjedhjet.

“Në gjykimin e vlerësimin tim, i përkas grupit të atyre personave që angazhohen në procesin zgjedhor, që nuk është domosdoshmëri që të ketë kufi të pjesëmarrjes për t’i konsideruar zgjedhjet e vlefshme. Po ka një grup tjetër nën një përqindje të caktuar nuk mund të konsiderohen të vlefshme dhe duhen përsëritur.

Ka argumente për të dyja pikëpamjet. Ta vlerësojë politika se si e kanë interesin dhe si ato mendojnë se është interesi i qytetarëve. Për mua edhe ata që nuk votojnë, kanë një shprehje të interesit të tyre politik, shoqëror etj”, tha ai.

LEXONI GJITHASHTU:

• Inteligjenca Artificiale në numërimin në Tepelenë, Celibashi: Ishte i suksesshëm
• Inteligjenca artificiale në zgjedhjet e 2027, përgjigjet Celibashi