Zgjedhjet në BE u mbajtën, po tani? Analistët: Shanset për aleanca të reja në PE

Tërmeti politik në Parlamentin Evropian nuk ishte edhe aq i fortë. E djathta ekstreme mund të ketë ecur përpara, por koalicioni në ikje ka ende mazhorancën. Sipas shifrave, Kristian-Demokratët e PPE-së, Social-Demokratët dhe Liberalët, plus Ripërtëritja mund të vazhdojnë t’i japin shtysë politikave të Parlamentit. Megjithatë, edhe kjo aleancë ka defektet e veta.

“Ata janë të ndarë për çështjet kyçe, nga ato ekonomike tek ato sociale, çdo gjë që ka të bëjë me paktin e gjelbër, apo tranzicionin energjetik. Dhe këtu, aleancat mund të ndryshojnë, në vartësi të drafteve. Të Gjelbrit mund të bashkohen me Social-Demokratët, ose Liberalët. Mund të kemi PPE, qendrën e djathtë që lëviz drejt radikalëve të ECR-së, ose konservatorët dhe reformistët. Dhe në bazë të drafteve mund të shohim shumicën të ndryshojë. Këtë e pamë në legjislaturën e mëparshme dhe mund të verifikohet në këtë Parlament”, deklaroi Eric Maurice, analist, Qendra për Politikat Evropiane.

Nëse e estabilishmentit politik do të mbajë, PPE mund të tundohet të lëvizë drejt grupeve radikale dhe ekstremiste të përfaqësuar nga Konservatorët dhe Reformistët e ECR-së dhe Identitet dhe Demokraci. Por ky opsion duket i vështirë për t’u implementuar.

“Ka dy opsione: njëri është që PPE, Ripërtëritja dhe Konservatorët e Reformistët të krijojnë një grup qendre të djathtë; ose një grup vetëm i djathtë që do të përfshijë Kristian-Demokratët dhe dy partitë ekstremiste, ECR dhe ID. Personalisht shoh probleme me të dyja opsionet pasi sa i takon koalicionit të qendrës së djathtë, Ripërtëritja ka njoftuar se nuk do të bashkëpunojë me të djathtën ekstreme. Ndaj, kjo është e pamundur me shifra. Edhe për koalicionin mes PPE dhe dy partive ekstremiste shoh probleme. Kjo, pasi ndërsa Ursula von der Leyen ka thënë se mund të punojë me ECR-në, PPE-ja e ka përjashtuar bashkëpunimin me Identitet dhe Demokraci”, deklaroi Sophia Russack, analiste, Qendra për Politikat Evropiane.

Një tjetër sfidë do të jetë monitorimi i shpërndarjes së rreth njëqind euro-deputetëve të paregjistruar dhe zyrtarëve të rinj të zgjedhur që aktualisht nuk i përkasin asnjë grupi, sepse ata mund të rritin radhët e ekstremit të djathtë ose grupeve të tjera.

LEXONI GJITHASHTU:

• Sondazhet për zgjedhjet në PE: Ekstremi i djathtë i Le Pen mposht partinë e Macron
• Le Pen shpall kandidaturën në zgjedhje: E diela, dita e parë e epokës post-Macron