Zgjedhjet në Himarë, Policia: Kemi marrë në ruajtje të gjitha qendrat e votimit

Policia e Himarës ka marrë në ruajtje qendrat e votimit për zgjedhjet për kryetar bashkie në Himarë.

Përmes një njoftimi, Policia bën të ditur se efektivët janë paraqitur sipas detyrës së përcaktuar pranë këtyre objekteve, për t’i marrë në ruajtje.

Kujtojmë se në zgjedhjet e ditës së sotme në Himarë kandidojnë Vangjel Tavo i PS përballë Petro Gjikurisë së Opozitës.

Njoftimi i Policisë:

Himarë/Policia merr në ruajtje Qendrat e Votimit për zgjedhjet për kryetar bashkie në Himarë.

Në përmbushje të detyrimeve të Kodit Zgjedhor, Policia në 📍Himarë ka marrë në ruajtje të gjitha qendrat e votimit për zgjedhjet për kryetar bashkie. Punonjësit e policisë janë paraqitur sipas detyrës së përcaktuar pranë këtyre objekteve, për t’i marrë në ruajtje.

Ruajtja e Objekteve Zgjedhore do të vazhdojë deri në orën 06:00 të datës 04.08.2024 kur pranë tyre do të fillojnë normalisht punën Komisionet e Qendrave të Votimit.

Në të njëjtën kohë, vazhdon kontrolli i territorit në të gjithë qarkun, me qëllim garantimin e rendit dhe sigurisë publike.

LEXONI GJITHASHTU:

• Himarë/Policia masa për mbarëvajtjen e procesit zgjedhor, angazhohen 52 punonjës
• FOTOT| Zgjedhjet e 4 gushtit në Himarë, mbërrijnë në KZAZ materialet zgjedhore