Zgjedhjet në Kosovë, ambasadori gjerman: Po vëzhgojmë procesin me 4 ekipe. Gjithçka, qetë dhe pa probleme

Ambasadori gjerman në Kosovë, Rainer Rudolph këtë të diele ndodhet në terren teksa po monitoron ecurinë e zgjedhjeve të parakohshme parlamentare në vend. Rudolph përmes një video në rrjetet sociale theksoi se po monitorojnë procesin me ekipe.

Ai theksoi se deri tani gjithçka duket e qetë dhe se procesi i votimit po zhvillohet pa problem.

‘’Përshëndetje, sot është dita e zgjedhjeve në Kosovë dhe, me vendosmërinë për të vëzhguar procesin, po marrim pjesë me katër ekipe në ushtrimin e monitorimit të zgjedhjeve të organizuar nga Zyra e Bashkimit Evropian në Prishtinë.

Aktualisht jam duke vizituar qendrat e votimit në Prishtinë dhe rrethinën e saj. Gjithçka që kam parë deri tani duket e qetë dhe po zhvillohet pa probleme. Prandaj, presim me interes rezultatet e zgjedhjeve sonte. Shihemi atëherë’’, tha ai.