Zgjedhjet në Kukës, pjesëmarrje e ulët, e djathta shqetësohet për ndërhyrje

Zgjedhjet për drejtuesin e Bashkisë Kukës kanë nisur me një klimë të qetë. Kandidatit i Partisë Socialiste, Albert Halili ka qenë i pari që ka votuar dhe pas këtij veprimi ka bërë thirrje që çdo qytetar të ushtrojë detyrën në kutinë e votimit.

Një orë pas Halilit, në qendrën e votimit ka shkuar edhe kandidati i djathtë, Emri Vata. Por, ndryshe nga rivali i tij politik, Vata ka ngritur shqetësime për presione që u bëhen qytetarëve.

Për të konkretizuar denoncimin e Vatës, ka qenë stafi i tij, që ka fotografuar në perimetrin brenda qendrave të votimit, punonjës e drejtues të zyrave të pushtetit vendor, me etiketimin se patronazhistët e rilindjes po ushtrojnë shantazh në kundërshtim me ligjin.

Gazetari i Euronews Albania Ardit Hoxha ka raportuar nga Kukësit se pjesëmarrja në votime deri në orën 13:00 ka qenë 24, 66 për qind, që rezulton më e ulët se pjesëmarrja në zgjedhjet e 14 majit.

LEXONI GJITHASHTU:

• Gazetari: Rama çoi në Kukës “artilerinë e rëndë të veriut”, si po përplasen klanet
• Zgjedhjet në Kukës, Muça: Pse Bashës i intereson që Berisha të humbasë