Zgjedhjet në Prishtinë, Arben Vitia mori më shumë vota, i dyti renditet kandidati i LDK-së

Të dielën e 17 tetorit qytetarët e Kosovës iu drejtuan kutive të votimit për të zgjedhur për kryetarin, i cili do të udhëheq për katër vitet komunën ku ata jetojnë.

Qendrat e votimit u hapën në ora 07:00 dhe u mbyllën në orën 19:00

Në të dhënat e Komisionit Qendror të Zgjedhjeve (KQZ) 1.885.448 apo 42.50 përqind e qytetarëve e shfrytëzuan të drejtën e tyre kushtetuese për të votuar.

KQZ njoftoi gjithashtu se në kryeqytet më së shumti vota mori kandidati i Lëvizjes Vetëvendosjes, Arben Vitia.

Ai ka arritur të fitojë besimin për votë të 35 mijë e 243 qytetarëve apo 42,26 përqind.

Pas Vitisë, renditet kandidati i Lidhjes Demokratike të Kosovës (LDK), Përparim Rama. Ai mori 24 mijë e 474 vota, apo 29,34 përqind.

I treti doli kandidati i Partisë Demokratike të Kosovës, Uran Ismaili. Ai ka arritur të sigurojë 18 mijë e 23 vota (21,61%).

Në garë për të parin e kryeqytetit ishte edhe kandidati i Aleancës për Ardhmërinë e Kosovës (AAK), Daut Haradinaj i cili siguroi votën e 3.850 qytetarëve(4,62%).

LEXONI GJITHASHTU:

• REZULTATI: Mbi gjysma e komunave në Kosovë shkojnë në balotazh
• Partitë shqiptare në RMV kryesojnë në disa komuna, BDI fiton në 3 qytete të vogla