Zgjedhjet në veri, Osmani takim me partitë politike

Mesditën e sotme, ka nisur takimi mes presidentes Vjosa Osmani me partitë për zgjedhjet e jashtëzakonshme në komunat në veri të vendit, Mitrovicë e Veriut, Zveçan, Leposaviq dhe Zubin Potok.

Katër kryetarët e komunave në veri të Kosovës dhanë dorëheqje nga pozitat e tyre, si vazhdimësi e veprimeve të Listës Serbe e cila po kundërshton vendimin e Qeverisë së Kosovës për targat.

Ky veprim i ka hapur rrugë zgjedhjeve të jashtëzakonshme në këto komuna meqë sipas një vendimi të Gjykatës Kushtetuese, mandati i çdo kryetari të komunës merr fund me dorëheqjen e tij.

Zgjedhjet, shpallen jo më vonë se dhjetë ditë pas shpërbërjes së kuvendeve komunale.

Presidentja Osmani pritet të shpallë datën e zgjedhjeve të jashtëzakonshme për kryetarë të këtyre katër komunave brenda afateve ligjore.

LEXONI GJITHASHTU:

• “Protesta u financua nga Rusia”, deklarata e fortë e Frrok Çupit
• Rama nga Shkupi: Procesi i Berlinit s’do jetë i përhershëm
• Kosova për herë të parë në COP, me ftesë të Gjermanisë